Plas tek Brazili, Thiago Silva: Neymar më ofendoi rëndë, u trishtova

Brazili arriti të marrë fitoren e parë përballë Kosta Rikës në Botërorin e Rusisë, pasi në ndeshjen e parë barazoi 1-1 me Zvicrën. Por gjatë kësaj ndeshjes duket se ka pasur tension mes brazilianëve, ku të përfshirë kanë qenë Thiago Silva dhe Neymar.Silva pati një grindje me bashkëlojtarin e tij te Paris Saint-Germain, Neymar, pasi mbrojtësi ua kthye në posedim topin Kosta Rikës. Kjo ka ndodhur në minutën e 83’ pas një ndërprerje të lojës dhe Silva vendos të veprojë ashtu. Neymar, mendonte se ai ishte shkelur më parë dhe duhet të ishte dhënë një goditje e lirë, më pas u tërhoq nga shoku i tij i ekipit, i cili pastaj e ktheu topin për ‘Fair-Play’, por kjo nuk i pëlqeu aspak sulmuesit që e ofendoi pastaj Silvan.“Sot, u trishtova nga sjellja e tij [Neymarit]. Në kohën kur unë i ktheva topin Kosta Rikës, ai më ofendoi rëndë”, ka thënë fillimisht Silva për mediumin Globo. “Por, unë mendoj se ai pati të drejtë, sepse ata ishin duke u përpjekur për të humbur kohë. Unë ua ktheva topin, sepse nuk ishte ky top që do të na fitonte ndeshjen. Jam i qetë për këtë dhe kam qenë i trishtuar për sjelljen e tij ndaj meje”, përfundoi mbrojtësi brazilian.