Arsenal vuajti në përballjen me Stoke Cityn deri në minutën e 75’, pasi rezultati ishte akoma i bardhë pa gola. Kjo gjë krijoi edhe një tension në fushë brenda “topçinjve”, të cilët nuk dukeshin aspak të qetë me njëri-tjetrin. Më pas erdhën edhe tre gola që duket se sollën qetësi në kamp.
Deri në momentin e golit te Arsenal kishte shumë nervozizëm dhe kjo u pa edhe tek Mesut Ozil. Turko-gjermani mori disa kritika nga shoku i skuadrës, Hector Bellerin, detaj ky që nuk i pëlqeu aspak dhe për këtë arsye reagoi ashpër.
Sipas mediave angleze Ozil i tha fillimisht spanjollit: “kujdes po flet shumë”. Më pas fantazizti i ‘topçinjve’ shtoi: ‘sqarohemi në tunel’. Nuk dihet se çfarë kanë biseduar futbollistët pas ndeshjes, por me siguri fitorja duhet ta ketë zbutur atë se çfarë kanë dashur të sqaronin.
