Plas “grushti” në mbledhjen e Ligës Italiane, Marotta sulmon Lotiton

Mbledhjet për zgjedhjen e presidentit të federatës italiane vazhdojnë të dështojnë, por këtë herë ka pasur tension në Asamblenë e Ligës, e mbledhur për të gjetur akordin për presidencën. Këtë herë ka pasur një përplasje të fortë mes presidentit të Lazios, Claudio Lotito dhe drejtorit sportiv të Juventusit, Giuseppe Marotta-s.

Lotito ka thënë në një moment: “Këtu janë të gjithë të punësuar”. Padyshim kjo ka qenë një fjali me tendencë nga ana e presidentit lacial, në drejtim të juventinëve. Marotta ka reaguar dhe është dashur ndërhyrja e pjesëmarrësve të tjerë për t’i ndarë, pasi janë kapur edhe fizikisht. Për të disatën herë asambleja nuk arrin të zgjedhë pasuesin e Tavecchio-s, pasi ende nuk ka një akord mes klubeve.