Merkato ka përfunduar, por bisedimet dhe planet e klubeve vazhdojnë të zhvillohen. Paul Pogba është lojtari më në zë për momentin, pasi ka deklaruar se nuk i dihet nëse muajt e ardhshëm do të jetë pjesë e Manchester United. Në merkaton që sapo u mbyll ai ishte shumë pranë Barcelonës dhe tashmë duket se nuk ka më vend tek anglezët.
Plani i Manchester United është i tillë, ata duan që ta largojnë mesfushorin francez për një shumë jo më pak se 100 milionë euro në mënyrë që të financojë operacionin “Mbappe”. Sipas “Don Balon”, kjo është sakrifica që do të bëhet nga Old Trafford për të sjellë në kampin e tyre lojtarin më të mirë të ri në botë.
Sipas portalit spanjoll, “Djajtë e Kuq” janë gati të bëjnë një çmenduri për sulmuesin francez, të cilin mund ta bëjnë një nga më të paguarit në botë.
