Kryeministri Edi Rama ka qenë sot në një takim më anëtarët e Partisë Socialiste në qytetin e Sarandës. Ai po vijon fushatën për anëtarësime të reja në PS.
Por, gjatë takimit një banore e Sarandës, i është ankuar Ramës. Ajo kishte një problem me pronën.
Ajo i kërkoi ndihmë kryeministtiri, por ai i tha se duhet t’u drejtohet gjykatave.
Gjatë replikave me banoren Rama “kërcënoi” dhe kreun e Partisë Socialiste në Sarandë. Ai i tha nëse nuk zgjidhej problemi i zonjës do ta largonte nga partia.
Qytetarja: Të kam djalë nuk ka njeri tjetër. Jam e Partisë Socialiste kokë e këmbë, nuk kam tjetër njeri. Të kam vetëm ty dhe erdha e sëmurë.
Rama: Dakord po ca do më lësh në kurriz mua tani.
Qytetarja: Erdha e sëmurë, ti tani më kanë thënë ik tek Ymer Delvina. Unë plakë e sëmurë të merrem me Ymerin? Si mund të merrem unë me Ymerin?!
Rama: Kush është ky Ymeri?
Qytetarja: Ku di unë ai që ka mbiemrin Delvina. Kam që në 92’ deri sot që kërkoj pronat, nga një zyrë në tjetër. Por kam takuar dhe kryetarin dhe ai më ka thënë që do më ndihmojë, është djalë shumë i mirë.
Rama: Atëherë t’i japim këtij afat o ta zgjidh ky o të iki nga partia.
Qytetarja: Do ma zgjidh ai.
Rama: Po atëherë ti të zgjidhur e paske. Dakord, por unë mëndej se ky është një rast mbi vendosje ku dy palë kanë një pronë. Unë nuk kam një përgjigje për këtë gjë sepse janë vendime gjykatash që bien në konflikt me njëra- tjetën.
Qytetarja: Po si mund ta zgjidhim ku do vemi?
Rama: Nuk mund të jap dot përgjigje.
Qytetarja: Unë të kam djalë.
Rama: E di por nuk mund të të jap një përgjigje sot.
