Një ngjarje e rëndë ka ndodhur në Elbasan, ku një grua është në gjendje kritike për jetën. Mësohet se N.D., 44 vjeçe është dërguar në spitalin Kirurgjik të Elbasanit në gjendje të rëndë, ndërsa policia njofton se dyshohet se gruaja është vetplagosur me armë gjahu.
Njoftimi i policisë:
Në datë 19.02.2018, rreth orës 06:20 në spitalin Kirurgjik Elbasan familjarët kanë çuar në gjendje të rëndë shtetasen N.D., rreth 44 vjeçe banuese në Elbasan.
Grupi hetimor në përfundim të veprimeve të para hetimore ka konstatuar se shtetësja N.D, dyshohet se është vetplagosur me armë gjahu.
Grupi hetimor në banesë ka gjetur dhe sekuestruar në cilësinë e provës materiale armën e gjahut (çifte).
Policia po punon për zbardhjen e plotë të rrethanave të ngjarjes.
