Mëngjesin e sotëm në Klos janë plagosur 5 minatorë në një minierë. Dy prej të plagosurve ndodhen në spitalin e qytetit, ndërsa 3 të tjerë janë nisur me urgjencë drejt Tiranës.
Nga burimet zyrtare thuhet se minatorët janë zënë poshtë nga rrëshqitja e dheut dhe e gurëve. Grupet hetimore kanë nisur menjëherë inspektimet, por deri më tani nuk është raportuar asgjë tjetër konkrete lidhur me shkakun e vërtetë të ngjarjes.
Kompania AlbChrome njofton se ditën e sotme, në orët e para të mëngjesit në Traverbankun e Klosit ka ndodhur një avari në të cilën janë aksidentuar 5 punonjës. Ndërkohë që kanë nisur hetimet për kushtet e punës në minierën e Shën Gjunit.
