Tenori legjendar Placido Domingo ka vlerësuar shqiptarin Ramë Lahaj. Ky i fundit ka publikuar sot një video, ku Domingo shfaq mendimin se Lahaj është një tenor që i ka të gjitha mundësitë të bëjë një karrierë fantastike.
“Jam më së i nderuar për gjithë përkrahjen që më jep në çdo hap te karrierës sime”, ka shkruar Lahaj teksa ka publikuar videon e Domingos, me të cilin ka kohë që bashkëpunon.
“Rama është në kohë të përkryer të përgatisë paraqitjet e tij. Ai tashmë ka performuar në teatrot më të mëdhenj botërorë. Është tenor, i cili i ka të gjitha mundësitë për të bërë një karrierë të shkëlqyer”, shprehet tenori legjendar për shqiptarin nga Istogu.
Vitin e kaluar Lahaj ishte njëri prej fituesve të Çmimit operistik OPERALIA, ndërsa së fundmi ka performuar krahas Domingos kur në Meksikë salla operistike mori emrin e legjendës Placido Domingo.
