Ministria teknike e Arsimit dhe Sportit, Mirela Karabina ka kallëzuar në Prokurori kreun e Drejtorisë Arsimore Rajonale në Has, Selman Qemanë, si dhe 3 zyrtarë të tjerë, pasi janë angazhuar në fushatën zgjedhore.
Nga njoftimit zyrtar i MAS thuhet se mbi bazën e informacioneve të mbledhura ka evidentuar sërish raste të pjesëmarrjes të punonjësve në pozicione drejtuese të cilët në kundërshtim me ligjin, janë angazhuar në aktivitete të fushatës zgjedhore në kundërshtim më përcaktimet ligjore”.
Nga kërkesa e depozituar sot pranë organit të Prokurorisë të Rrethit Gjyqësor Kukës, bëhet me dije se 3 personat e tjerë të cilët janë kallëzuar janë:
-Specialisti i Burimeve Njerëzore, z. Erlis Dibra,
-Specialisti i Kurrikulës z. Jetmir Qaushi,
-Drejtori i Shkollës 9-vjeçare Zahrishtë z. Veli Ibraj.
MAS gjatë javës së fundit ka depozituar disa kërkesa në organin e Prokurorisë për përfshirje të paligjshme të administratës shtetërore në fushatën zgjedhore .
