Në operacionin e zhvilluar në Livorno të Italisë, ku u kapën 644 kilogramë kokainë, një ndër të arrestuarit është edhe një shqiptar, i identifikuar si Dorian Petoku.
Gazetari Artan Hoxha ka dhënë detaje lidhur me arrestimin e këtij të fundit. I ftuar në emisionin “Repolitix” në Report TV, gazetari Hoxha tha se Petoku u arrestua gjatë natës në Tiranë, teksa po udhëtonte me një automjet tip Range Rover të 2018-ës.
“Është kapur mbrëmë në mes të natës në Tiranë, ishte duke ecur me Range Rover të 2018, nuk kishte as armë me vete. Në Lezhë njihej si një djalë që shpenzonte, por nuk është se ishte nga ata personazhet e njohura që kanë qenë aty kanë bërë këtë…”, tha Hoxha.
31-vjeçari ishte pjesë e rrjetit të organizuar kriminal që trafikuan 644 kilogram kokainë nga Brazili drejt Livornos në Itali.
