Deputeti i PS-së për Lezhën, Pjerin Ndreu ka ngritur shqetësimin për mungesën e energjisë elektrike në zonën e Lezhës.
Me anë të një postimi në rrjetin social Facebook, Ndreu thotë se mjaft zona në këtë qark janë pa drita dhe nga ana e OSHEE nuk ka asnjë reagim.
Duke e cilësuar diskriminuese sjelljen e institucioneve, deputeti i PS shprehet se në shtator do të kërkojë interpelancë në Kuvend për këtë çështje. Ndreu ngre shqetësimin dhe për mënyrën e aplikimeve punësimet në këtë institucion shtetëror.
“OSHE vazhdon politikën diskriminuese në Lezhë. Përveçse ka lënë zonën në ditë më të zeza ku mjafton një rrebesh shiu apo një erë e lehtë dhe gjithë zonat e Zadrimes, Torovicës, Tales, Shënkollit, Zejmenit janë ne terr, ka bërë një mish mash ne strukturë dhe burime njerëzore! Për tu mbyllë gojën dhe ca të paditurve që i përkthejnë statuset e mia si ju do fantazia e sëmurë, ne Shator filloj si deputet me interpelancë për gjendjen e krijuar. Nuk do ndalem asnjë moment për të demasku këtë maskaradë që luhet në kurrizin e komunitetit të Lezhës. Me 0-investime dhe me katrahure strukturë ku ik ai që punon e vjen ai që s’bën asgjë nuk mund të luhet më! Ftoj qytetarët që të kontribuojnë me çdo info që kanë!”,- shkruan Pjerin Ndreu.
