Andrea Pirlo ka folur hapur për mënyrën se si u shfaq Italia në përballjen e parë të fazës “play-off”, ku u mposht nga Suedia me rezultatin e ngushtë 1-0. Ai nuk është kursyer edhe ndaj trajnerit Ventuar për mënyrën si e përgatiti skuadrën në këtë ndeshje dhe të mos merret me arbitrat apo tifozët se nuk janë ata që i shënojnë golat.
“Skuadra duhet të bëjë më shumë. Të flasësh për arbitrin nuk vlen dhe golat nuk i bëjnë tifozët. Në të tilla ndeshje duhet të japësh 100%, nëse arbitri fërshëllen një faull mirë, në të kundërt duhet të vazhdosh të luftosh. Do të jetë e vështirë për Ventura-n që të gjejë motivimin për skuadrën në 3 ditë të mbushura me shumë presion, nga mediat dhe tifozët. Duhet të ketë në mendje skuadrën dhe vështirësitë me të cilat do të përballet. janë 3 ditë shumë të rëndësishme”, deklaroi Andrea Pirlo gjatë një intervistë për “Skysports”.
Më pas Pirlo ka bërë një apel ndaj tifozëve për ndeshjen e kthimit që do të luhet në “San Siro”, ku kërkon të jenë sa më të shumtë në numër dhe më të zhurmshëm. Por sërish kërkon përkushtim më shumë nga at që do të zbresin në fushë pasi janë ata që duhet të shënojnë golat dhe të sjellin kualifikimin. Verrati është vlerësuar si pasardhësi i Pirlos në kombëtare, por ndeshja që ka bërë ai një natë më parë nuk e ka bindur mjaftueshëm ish lojtarin e Juventusit, që u nda përfundimisht nga futbolli pak ditë më parë.
“San Siro duhet të shpërthejë, por unë nuk kam parë asnjë tifoz nga tribuna të shënojë gol. Kur skuadra humbet , duhet që dështimi të ndahet mes trajnerit dhe futbollistëve. mua më pëlqejnë ndeshje të tilla me presion, mendoj që edhe ish shokëve të mi u pëlqen. Nuk luajti një ndeshje të mirë, përveç disa shpërndarje sporadike topi, një në të djathtë për Candravan dhe një për Immobile në pjesën e parë. Nuk shkoi mirë edhe për faj të skuadrës që nuk e ka ndjekur zhvillimin e lojës”, shtoi Pirlo.
Italia do të ketë një mbështetje të zjarrtë ditën e hënë kur të përballet me Suedinë në Milano. Për fantazistin italian është momenti që lojtarët të tregojnë vlerat e vërteta që kanë dhe të na dërgojnë në Rusi. Duket se dhe skema që ka përdorur Ventura në ndeshjen e parë nuk e ka bindur Pirlon, ai sugjeron që Italia të zbresë në fushë me një formacion që të ketë më shumë rrjedhshmëri në daljen para.
“Nuk mjaftojnë këshillat e një eksperti për të fituar ndeshje të tillë. Në të tilla ndeshje duhet të shihen futbollistët e vërtetë dhe më veteranët janë shumë të rëndësishëm. Duhet shumë durim, shpejtësi në mendim e veprime. Unë do të luajë me rreshtimin 4-3-3 me Insigne në krah, pasi duke luajtur në mes ne humbëm shumë topa”, përfundoi këshillat e tij për skuadrën Andrea Pirlo.
