Andrea Pirlo pasi dha lamtumirën nga futbolli i luajtur, ka përfunduar kursin për trajner dhe tashmë është duke pritur që të kryej punën e parë si trajner. Ish-ylli i Interit, Milanit dhe Juventusit është ndalur në mikrofonat e “Sky Sport” për të analizuar ecurinë e zikaltërve në Champions League dhe në kampionatin italian.
“Inter është një skuadër që ka nevojë për besim dhe në këtë moment duket se e ka gjetur. Champions është një kompeticion që të ndihmon të jesh i përqendruar në 100%”, ka thënë ish-mesfushori.
“Ndonjëherë, zikaltrit tregojnë disa mangësi në kampionat, duke bërë gabime që mund të shmangen. Ivan Perisic? Është lojtari klasik sllav që nuk ka vazhdimësi. Bën paraqitje të mëdha dhe të shëmtuara, disa herë edhe gjatë një ndeshjeje të vetme”, ka thënë Pirlo.
