Forma e lartë e Liverpool në këtë fillim sezoni nuk është thjeshtë një rastësi, por ka një lëng magjik që futbollistët e përdorin pas çdo ndeshje. Jurgen Klopp shpreson të furnizojë makinën e Liverpool drejt rrugës së titullit me një lëng të veçantë.
Gazeta gjermani “Bild”, ka publikuar lajmin se të kuqtë, pas ndeshjeve pinë një “pije sekrete” e cila përmirëson rendimentin e tyre. Kjo pije mendohet se është bërë nga Mark Warnecke, ish-notar dhe kampion bote, i cili e fitoi këtë titull në moshën 35-vjeçare. Ai tha atëherë se sekreti i tij ishte ushqimi dhe Liverpooli tashmë e ka futur në staf gjermanin në mënyrë që futbollistët të ushqehen sa më mirë të jetë e mundur.
Raportohet se Warnecke do të punojë përkrah Mona Nemmer, e cila merret me ushqimin e lojtarëve dhe konsiderohet si një nga më të mirat në fushën e saj. Mark ka krijuar dy pije speciale për “Reds”-at, që konsumohen pas ndeshjeve apo stërvitjeve dhe janë shumë efikase për të përshpejtuar rigjenerimin dhe për të ulur lodhjen fizike. Sipas “Sport Bild”, kjo pije deri tani i ka kaluar të gjitha testimet dhe kontrollet e realizuara.
