Pica napolitane është shpallur pasuri kulturore botërore e UNESCO-s.
Konfirmimi është bërë nga autoritetet e Romës, ndërsa Këshilli i Unesco-s i mbledhur në Jeju të Koresë së Jugut pranoi unanimisht kandidaturën italiane për specialitetin e saj, edhe pse ishte e vetmja.
“Urime Italisë”, komentonte Unesco në llogarinë e saj duke njoftuar pranimin e artit të pizajolit napolitan në listën përfaqësuese të trashëgimive kulturore të njerëzimit.
“Tradita e përgatitjes së picës napolitane, në të cilën përfshihen gjeste, këngë, shprehje dhe aftësi ekzibicionin në bashkësinë komunitare, është padyshim pjesë e trashëgimisë kulturore”, thuhej në deklaratën finale të pranimit nga Unesco.
Sipas zyrtarëve, biznesi i picerisë gjeneron një shumë të ardhurash prej 12 miliardë eurosh në Itali, ndërsa të punësuarit në këtë sektor janë 100 mijë me kohë të plotë dhe 50 mijë me kohët të pjesshme në fundjavë.
Tashmë Napoli ka një arsye më shumë për t’u mburrur me picën e saj.
