Një nënkomisar në Tiranë është pezulluar nga detyra për shpërdorim detyre.
Mësohet se strukturat e SHÇBA-së Tiranë ekzekutuan vendimin e Gjykatës së Rrethit Gjyqësor Tiranë për masën e sigurimit “Pezullim nga funksionet publike”, të Specialistit të Hetimit të Aksidenteve pranë Komisariatit Rajonal të Policisë Rrugore Tirane, n/komisarit O.Gj., për veprën penale “Shpërdorim detyre”.
Pezullimi i nënkomisarit vjen pas hetimeve 3 mujore të SHÇBA në bashkëpunim me Prokurorinë, ku rezultoi se pas një aksidenti në datë 12 nëntor 2017, oficeri i Hetimit te Aksidenteve, jo vetëm nuk ka kryer veprimet proceduriale të domosdoshme, por ka manipuluar provat dhe vendin e ngjarjes.
