Deputeti i Partisë Socialiste, Alfred Peza, reagoi pas kërkesës së prokurorisë dhe vendimit të gjykatës për të sekuestruar pasurinë e bashkëshortes së tij, duke theksuar se po hetohet si gazetar, dhe jo si politikan.
“Tashmë edhe nga organi i Prokurorisë është vërtetuar katërcipërisht se ka 0 shtim të pasurisë sime përveç rrogës së deputetit. Kjo duhet kuptuar mirë se kemi të bëjmë me një fakt. Unë po hetohem si gazetar dhe jo si deputet. Prokuroria nuk ka asnjë problem me deputetin Alfred Peza. Por, po heton se si e ka vënë pasurinë një gazetar në Republikën e Shqipërisë. Kjo është e paprecedentë. Këto mund të ishin hetuar fare mirë në dhjetorin e 2012-s”, u shpreh Peza.
