Kreu i PD-së, Lulzim Basha sulmoi sot nga Kruja LSI-në, për të cilën tha se do të falimentojë më 25 qershor.
Por, nuk ka vonuar as përgjigja e vetë kreut të LSI-së, Petrit Vasili, i cili i është përgjigjur ashpër.
Vasili i thotë Bashës se e përmendi “nën dehjen e hashashit”, ndërsa i përmend mosmirënjohjen ndaj Berishës dhe Metës.
Gjithashtu, Vasili e sfidon publikisht Bashën, teksa i kërkon të përballet me të ku të dojë.
REAGIMI I VASILIT:
I dashur Luli, nga Kruja, nën dehjen e hashashit, më zure dhe mua në gojë.
Mosmirënjohjen ndaj Berishës dhe Metës ta njoh mirë.
E di mirë edhe që ke hequr dorë nga objektivi yt dhe i PD-së për kryeministër dhe president.
Megjithatë, për të vërtetat e shpk-ve të tua dhe shumë të vërteta të tjera, që unë di nga takime shumë të rëndësishme, meqënëse edhe kandidati tjetër nuk po ta fishkëllen, edhe në respekt të demokratëve të pres të përballemi në tv, shesh a ku të duash.
Ky, Luli, është një shans edhe për ty.
