Mësuesi i fshatit, marksisti Pedro Castillo fitoi zgjedhjet presidenciale të Perusë, tha të hënën Këshilli Kombëtar Zgjedhor (JNE).
Kandidati i partisë marksist-leniniste të Perusë ‘Libre’ mori 50.12% të votave kundrejt 49.87% të populistes së krahut të djathtë Keiko Fujimori në zgjedhjet e 6 qershorit, sipas organit zgjedhor të vendit ONPE. Organi suprem zgjedhor i vendit e shpalli Castillo fituesin e balotazhit, pas javësh ankesash dhe apelimesh, kryesisht nga kampi Fujimori. Castillo fitoi me pak më shumë se 44,000 vota, sipas ONPE.
Fujimori, 46 vjeçare, fillimisht ishte në krye, por kjo ndryshoi kur u numëruan votat në zonat rurale, ku Castillo ka mbështetje të fortë.
Ajo pretendoi “parregullsi” në numërimin dhe “shenja mashtrimi” në akuzat e hedhura poshtë nga ONPE. Vëzhguesit zgjedhorë nga Organizata e Shteteve Amerikane (OAS) gjithashtu deklaruan se zgjedhjet u zhvilluan pa parregullsi të mëdha. Të hënën, Fujimori tha në një fjalim televiziv se ajo “do të pranonte rezultatin sepse kjo është ajo që parashikon ligji dhe kushtetuta që ai është betuar të mbështesë”.
Më shumë se 25 milion peruanas u thirrën të votojnë në zgjedhje. Pjesëmarrja kaloi 18 milionët. Castillo, 51 vjeç, dëshiron të ndërtojë një shtet socialist, të forcojë kontrollin e medias dhe të shfuqizojë gjykatën kushtetuese.
Fujimori, e cila kishte planifikuar që nëse fitonte të falte babanë e saj, ish-presidentin autoritar Alberto Fujimori, po luftonte për politikë ekonomike neoliberale dhe një strategji të vijës së ashpër lidhur me sigurisë. Në vitet e fundit, asaj i është caktuar masa e paraburgimit disa herë dhe mund të përballet me një dënim të gjatë burgimi në një gjyq korrupsioni në zhvillim e sipër.
