Në jetë na qëllon që të konfliktohemi me njerëz që na bezdisin. Shpesh zënkat kanë një motiv, por ka dhe raste kur fillon sherri pa arsye. Mos u habisni kur t’ju themi se ka edhe nga ato shoqëri që dinë si t’i menaxhojnë më së miri këto zënka.
Në Peru zhvillohet festivali luftarak “Takanakuy” që synon të zgjidhë konfliktet dhe përmirësojë marrëdhëniet mes njerësve.
Festivali i përvitshëm zhvillohet në të gjithë provincën Chumbibilcas. Në festival marrin pjesë si ‘luftëtarë’ të gjithë personat që kanë një konflikt me tjetrin.
E rëndësishme është që zënkat të bëhen në publik dhe në bazë të rregullave të caktuara. Ky festival ul ndjeshëm sherret publike dhe gjithçka zgjidhet me dyluftim dhe çështja mbyllet aty.
