Fundjava e kaluar ishte ndryshe dhe mjaft e veçantë në Pogradec, ku disa të rinj pogradecarë, si Genti Çela, Ina Kosta, Amanda Cici, Klaudio Spirollari, çelën ekspozitën ‘Përtej Mureve’ me foto të shkëputura nga aktivitetet e bamirësisë.
Këto foto, paraqisnin segmente nga jeta e varfër në qytetin e Pogradecit, ndryshe nga sa jemi mësuar ta shohim atë, si një qytet turistik.
Kjo ekspozitë solli në vëmendje një realitet tjetër, pikërisht qytetin e harruar dhe të varfër ku lypet ndihmë e shpresë.
Hymeti’s Palace priti këtë event, ku mblodhi dashamirës dhe bamirës që bashkë me autorët e ekspozitës dhe drejtuesin e Fundjavë Ndryshe Arbër Hajdari, përpiqen dita-ditës të zbehin varfërinë, atje edhe kudo tjetër ku harresa ka pllakosur.
