Ish-kryeministri i Maqedonisë së Veriut, Nikola Gruevski ka botuar një libër, ndonëse ai ndodhet në arrati. Ka qenë vetë Gruevski, i cili ka përcjellë lajmin në rrjetet sociale, ku libri bazohet mbi doktoraturën me temë “Efektet ekonomike të kapitalit të ndryshëm ndërkombëtar, me theks të veçantë në Republikën e Maqedonisë” i mbrojtur në korrik të vitit 2018”.
Në parathënien e tij për librin, të cilën ai e postoi në Facebook, Gruevski nënvizon ai ishte bërë viktimë e persekutimit politik përpara se të largohej në Hungari dhe të fitonte azilin atje. Ai thotë ndër të tjera se fushata e persekutimit politik ndaj tij, arriti kulmin në vjeshtën e vitit 2018. Po sipas Gruevskit, janë përdorur dëshmi të rreme e akuza të nxitura politikisht.
“Fushata e persekutimit politik kundër meje arriti kulmin në vjeshtën e vitit 2018, dhe autorët e saj e kishin me aq ngut të më burgosnin, saqë përdorën dëshmi të rreme, akuza të nxitura politikisht dhe një gjykatë në varësi të tyre, e cila nuk pranoi të më jepte dy muaj kohë për të përfunduar librin, para se të më dërgonte të kryeja një dënim të pamerituar”, shkroi Gruevski.
