Pedagogu më i pranishëm në banderolat e studentëve protestues quhet Thanas Xhillari. Studentët e akuzojnë atë, bashkë me disa pedagogë të tjerë të Fakultetit të Shkencave të Natyrës, se i detyrojnë që të paguajnë për të marrë provimet.
Thanas Xhillari ka një karrierë të gjatë si pedagog në FSHN, ku jep lëndën e algjebrës në degën “Teknologji Informacioni dhe Komunikimi”. Për ata që nuk e kujtojnë, duhet risjellë në vëmendje se pedagogu i Shkencave të Natyrës ishte bashkëshort i Linda Ramës, përpara se ajo të martohej me kryeministrin aktual shqiptar, Edi Rama.
Në njërën nga banderolat studentët e Shkencave të natyrës e kanë listuar të parin Thanas Xhillarin në listën e pedagogëve që ata akuzojnë se u kërkojnë të holla në këmbim të provimeve. Ndërsa në banderolën tjetër urrejtja, për këtë shkak, shkon përtej caqeve të mirësjelljes. TIRANA TODAY
