Një atentat me armë zjarri ka ndodhur dje në qytetin e Elbasanit, ku kanë humbur jetën 3 persona. Nga përplasja me armë ka humbur jetën një shtetas me origjinë turke, Erion Krymi, ndërsa janë plagosur rëndë dhe kanë ndërruar jetë më pas në spital dy qytetarë të Elbasanit, Endrit Alibej dhe Arben Dylgjeri.
A ishte kjo një ngjarje e paralajmëruar? Gazetari investigativ Artan Hoxha, i cili ka qenë i ftuar në studion e lajmeve të televizionit “Report TV”, ka treguar se shtetasi Aurel Guni, dyshohej se ishte marrë peng për llogari të një grupi kriminal shumë të njohur në Elbasan.
Por pak momente pas kësaj deklarate të Hoxhës, rreth 1 orë më pas ndodhi dhe përplasja me armë zjarri. Tre viktimat teksa lëviznin me mjetin e tyre Range Rover, janë qëlluar me breshëri plumbash nga një makinë tjetër.
Shkak paraprak i atentatit ku humbi jetën shtetasi turk Erion Krymi dhe dy qytetarë të Elbasanit, Endrit Alibej dhe Arben Dylgjeri, dyshohet se kanë qenë pazaret e drogës jashtë vendit, pasi këta persona kishin vetëm pak ditë që kishin ardhur në Shqipëri. Tre personat që janë qëlluar, kanë qenë të shoqëruar nga familjarët.
