Kryetari i Partisë Fryma e re Demokratike (FRD), Sali Shehu, ka folur me tone të ashpra pasi Bashkia Tiranë kërkoi lirimin e zyrave të partisë së tij.
Në një prononcim për mediat, Shehu u shpreh se nuk ka burrë nëne mbi tokë që t’i marrë zyrat e FRD-së.
“Në Dibër kemi një fjalë të urtë: dardha e ka bishtin mbrapa. Këto zyra janë të FRD-së dhe nuk ka burrë nëne mbi tokë që t’i marrë. Ne jemi këtu për tju thënë shqiptarëve se jemi bashkë për gjëra të mira”, tha Shehu.
Përplasja ka ndodhur për shkak se Bashkia Tiranë i ka dërguar një shkresë FRD-së dhe i kërkonte të lironte zyrat pasi ato janë në pronësi të saj.
Në përplasjen fizike me policinë bashkiake u përfshi edhe Presidenti i Republikës, Ilir Meta.
