Në orët e para të së dielës, një tjetër shqiptar është gjetur i vdekur në burgun e Koridhalosit në Greqi. 33-vjeçari u gjet në qelinë e tij ku vuante dënimin, pa shenja jete. Ai është personi i tretë që humb jetën në javën e fundit në këtë burg.
Mjekët e burgut dyshojnë se vdekja mund të ketë ardhur nga abuzimi me drogën, teksa sipas tyre nuk janë vërejtur abuzime me drogën.
Por, nga ana e Ministrisë së Drejtësisë nuk ka një konfirmim se shqiptari i dënuar ka qenë përdorues droge, duke ngritur kështu dyshime të mëdha.
Megjithatë, mjekësia ligjore do të përcaktojë shkakun e vërtetë të vdekjes së të dënuarit.
Mediat greke nuk kanë bërë të ditur identitetin e shqiptarit, por theksojnë se në të njëjtin burg, javët e fundit, ka humbur jetën shqiptari tjetër Albert Bako dhe një 65-vjeçar grek.
