UEFA nis hetimet për ndeshjen Arsenal-Koln. Organi më i lartë i futbollit evropian ka nisur procedurat disiplinore në drejtim “Topçinjve të Londrës” me akuzën për mos menaxhim të mirë në shitje e biletave për tifozerinë e Koln.
Ky takim u nis me një orë vonesë për shkak të dyndjes së madhe të mbështetësve të klubit gjerman, të cilët kërkonin të futeshin në brendësi të impiantit “Emirates Stadium” pa pasur në dispozicion një biletë.
Ndërkohë nga krahu tjetër, Arsenali përmes një komunikate publike, bën më dije se për ta ishte thelbësore ruajtja e sigurisë fizike të tifozerive. Më tej klubi londinez, thekson se 300 mijë biletat e vëna në dispozicion për mbështetësit e Koln ishin në bazë të rregullave të UEFA-s, por numri i madh i të pranishmëve bëri që situata të merrte një tjetër drejtim.
Ndërsa grupi i tifozëve të Koln, akuzohen për mbajtje të sendeve të forta, piroteknike dhe dëmtim të impiantit. Për Arsenalin akuza e ngritur është shkelje e normave të sigurisë. Të enjten e ardhshme komisioni i disiplinës pranë UEFA-s pritet të japë bëjë zyrtarë vendimin e marrë.
