Në raportin e UEFA-s për trukime ndeshjesh nga ekipi i Skënderbeut, ka dalë edhe emri i ish-presidentit të Shkumbinit, Dashnor Sulës. Ky i fundit i ftuar në emisionin‘Repolitix’ në Report Tv, u shpreh se pavarësisht përmendjes në raport ai është i pastër dhe se nuk ka toleruar as kunatin e tij në fushë, jo Skënderbeun. Ish-deputeti Sula tha gjithashtu se nuk ka pirë asnjëherë kafe me Presidentin e ekipit të Skënderbeut, ndërsa nuk i përket as ‘klanit Bode’ në PD, pasi asokohe është cilësuar si pjesë e grupit të ‘Topit’ në PD.
“Reagim im është i qetë i kthjellët, kristal, kam qenë njeriu që nuk kam toleruar kurrë, raporti për të qenë korrekt thuhet që ka trukuar Skënderbeu pa dijeninë e klubeve të tjera, në të dyja këto ndeshje nuk kam qenë asnjëherë, trukimi i ndeshje duhet të kesh elementë përbërës lidhës, padashur trajneri, presidenti, lojtarët, kompania për të gjetur është shumë e thjeshtë, i është thënë një trajneri një lojtari, prokuroria duhet të presë vendimin e UEFA-s.
Kujtoj se në vitin 2011, kur Flamurtari kishte trajner kunatin tim (Gugash Maganin), Shkumbini nuk toleroi ndaj vlonjatëve, edhe pse ne kishim siguruar mbijetesën. Edhe pse mund të toleronim ndaj Flamurtarit, ne nuk e bënë një gjë të tillë, siç nuk kemi toleruar edhe ndaj Skënderbeut.
Akuzat e UEFA-s ndaj meje? Jam shumë i qetë. Mua më njohin të gjithë, sepse kam qenë një president që nuk toleroja kurrë në një ndeshje futbolli. Unë kam edhe diçka tjetër; nuk kam vendosur kurrë një lloto sporti në jetën time, sepse nuk besoj në bixhoz. Unë nuk jam ulur të pi një kafe me presidentin e Skënderbeut, Takaj. As me Boden nuk kam komunikim.
2 ndeshje të kampionatit dhe të kupës 2011-2012, ekipi i Skënderbeut ka qenë ekip i konsoliduar, luftonin për të mbijetuar ndeshje në Korçë, po të kishte fituar Shkumbini, ka humbur penallti Kotorri dhe ka fituar Skënderbeu, nga krahu i klubit 100 për qind që ne nuk kemi qenë pjese, të kishim lidhje drejtpërdrejt 2013 na ka nxjerrë nga Kategoria në Peqin”, deklaroi ai.
