Një përleshje fizike me hunj dhe banderola ka ndodhur midis nostalgjikëve të Enver Hoxhës dhe mbështetësve të PD-së në Varrezat “Dëshmorët e Kombit”.
Grupi i zakonshëm nostalgjik i Partisë së Punës dhe diktatorit Enver Hoxha është përleshur me një grup tjetër që kundërshtonte praninë e tyre dhe vendosjen e kurorave pranë varrezave të dëshmorëve.
Gjithçka ka nisur pas tubimit të komunistëve, të cilët thërrisnin “Enver Hoxha”, ndërkohë një grup tjetër i PD-së e kundërshtonte me thirrjet “turp, turp!”. Ndërsa nostalgjikët komunistë vijonin të brohorisin “Enver Hoxha”, “Partia Komuniste”.
Pas këtyre thirrjeve ka nisur edhe përleshja midis tyre. Ndërsa më pas policia ka shoqëruar edhe autorët e këtij incidenti.
TIRANA TODAY
