Taulant Xhaka, mesfushori me kombëtare shqiptare prej vitesh është kthyer në një ndër elementet kryesor të skuadrës së Baselit në Zvicër. Grinda e tij dhe forca fizike e kanë kthyer në një lider të skuadrës, por jo vetëm kaq, edhe për golat spektakolar që shënon edhe pse jo vazhdimisht.
Perla e tij në sfidën e zhvilluar kundër Young Boys ka marrë vlerësime të mëdha dhe është pretendente serioze për çmimin e “golit më të bukur të 2018-s”.
Në kanalet zyrtare në rrjetet sociale, Baseli u ka bërë thirrje tifozëve të bashkohen të gjithë për votat e tyre pro Taulant Xhakës. Futbollistët dhe trajnerët më të mirë do të jenë të pranishëm më 28 janar në Luzernë, për ceremoninë prestigjioze ku do të vlerësohet mes të tjerëve dhe goli i vitit.
