Gjatë një aktiviteti të zhvilluar në ambientet e stadiumit “Skënderbeu”, Armando Duka ka deklaruar se nisma e Federatës për të dhuruar disa fanella dhe topa falas për fëmijët nëpër rrethe, është një iniciativë që s’e ka bërë askush në botë.
“Është projekt unikal, sepse jemi e para Federatë në botë që kemi implementuar një iniciativë të tillë. Nuk është thjeshtë një ndihmë ekonomike për fëmijët dhe familjet, nuk është thjeshtë fakti se këto çanta, uniforma loje e stërvitjeje apo tutat do të kontribuojnë në financat e familjeve të fëmijëve të cilët luajnë futbollist, por është më shumë se kaq”, u shpreh Duka.
Në të vërtetë, shumica e fëmijëve që luajnë me skuadrat U-17 dhe U-19 etj, i kanë blerë me paratë e tyre bazat materiale. Kjo iniciativë është thjesht një propagandë e FSHF-së, e cila po bën një shpërndarje selektive tek klubet e preferuara të saj.
