Kryetari i PD, Sali Berisha në një takim me aktivistë demokratë, duke kujtuar 20 shkurtin ’91, ditën e rrëzimit të Shtatores së diktatorit Enver Hoxha nga sheshi “Skënderbej, ka vlerësuar rolin e demokratëve për shmangien e konfliktit civil me forcat e regjimit.
Berisha tha se ka patur një debat për caktimin e 20 shkurtit si Dita e Kujtesës Kombëtare, por ajo ditë u dekretua vetëm për të shënuar triumfin e tyre.
“Pas rrëzimit të shtatores, mijëra e mijëra shqiptarë rrëmbyen armët. Kjo është e vërteta, se gjërat duhet t’i themi siç janë.
Mijëra të tjerë u përpoqën të rikthejnë në shtatoren në piedestalin ku ishte vendosur flamuri kombëtar, por të gatshëm për gjakderdhje shkrepën breshëri kallashnikovi në Fier. Plagosën dhe vranë mbi 11 protestues dhe po kështu në mbarë vendin.
Në rast se, Ramiz Alia pas kryengritjes së 2 korrikut arriti të rivendosë perden e hekurt me një vendosmëri kriminale, nuk arriti më të rikthente diktatorin në piedestalin ku ishte.
Kjo ditë është shpallur zyrtarisht edhe dita e kujtesës kombëtare, e nderimit të vuatjeve, të sakrificave, marterizimit të të përndjekurve politikë në Shqipëri.
Mirëpo, forcat demokratike nuk u tërhoqën. Ato kanë një meritë të madhe, sepse nuk ranë në lojën e një konflikti civil. Bënë gjithçka dhe shmangën një konflikt civil, por nga ana tjetër bllokuan të gjitha përpjekjet për rikthimin e diktatorit në piedestalin e tij dhe rivendosjen e kultit”, tha Berisha.
