Ditën e shtunë, pritet që të vijnë në përkujtimoren e minoritarit grek Kostandinos Kacifa, 1 mijë ekstremistë grekë. Shoqata e Epirit të Veriut nga Athina dhe Selaniku ka vendosur autobusë në dispozicion për transportin e qytetarëve grekë, që do të marrin pjesë në ceremoninë përkujtimore të vdekjes së Kacifës në Bularat të Gjirokastrës.
“Në këtë përkujtimore do të marrin pjesë më pak njerëz sesa në funeral, por sërish interesi në botë është mjaft i lartë”. Kështu ka deklaruar Nikos Kaçikas, Presidenti i Shoqatës “Agios Athanasios”. Sakaq, mediat greke shkruajnë se mbetet shqetësim se si do të veprohet me 52 grekët, të cilët qeveria shqiptare i ka shpallur “persona non grata”. 52 grekët e shpallur “non grata” nuk do të kenë mundësi që të shkelin në Shqipëri e pakta për një periudhë 5-vjeçare, që është minimumi i parashikimeve ligjore.
