Monaco është duke kaluar një moment mjaft të vështirë në kampionatin francez, pasi rezultatet kanë qenë mjaft të dobëta. Por tashmë kriza është thelluar më shumë, pasi klubi ka pezulluar trajnerin Thierry Henry. Këtë njoftim e ka publikuar vetë klubi nëpërmjet një komunikate në faqen zyrtare.
— AS Monaco 🇲🇨 (@AS_Monaco) January 24, 2019
Henry ka vuajtur të marrë rezultate pozitive gjatë javëve të fundit dhe ka përjashtuar një numër të madh të lojtarëve nga ekipi i parë gjatë kësaj jave. Mesa duket klubit nuk i ka pëlqyer kjo gjë, pa harruar edhe skandalin ku është kapur duke sharë një lojtar kundërshtar në ndeshjen e fundit.
Ish-kampionët e para dy viteve rrezikojnë seriozisht rënien nga kategoria dhe drejtuesit kanë vepruar. Henry është pezulluar deri në momentin që do të merret një vendim përfundimtar. Gjatë kësaj kohe, pjesëtari i stafit teknik Franck Passi do të stërvitë skuadrën.
