Pas lajmit që qarkulloi sot se Policia e Shtetit ka survejuar kryetarin e PD-së Lulzim Basha dhe familjen e tij, ka reaguar edhe kryeministri Edi Rama
Me anë të një statusi në rrjetin social ‘Facebook’ Rama thekson se kjo gjë është shpikur nga PD, ndërsa nuk i ka kursyer ironitë duke i etiketuar si ‘Babalepartitë e babaleopozitës’.
Kryeministri thotë se shpejtë do të dalë e vërteta e babalepërgjimit të shpikur dje për ministrin por edhe për Bashën.
Postimi i plotë i Edi Ramës
Babalepartitë e babaleopozitës kanë shpikur sot një përgjim të Policisë së Shtetit për babalekryetarin e Partisë Babalokratike?Shpejt do të dalë e vërteta e babalepërgjimit të shpikur dje për ministrin e ndërkohë le të qeshim me babalepërgjimin e shpikur sot për Lulëzimin?
