Kur Lyna Rose ndryshoi mbiemrin e saj nga Jones në Rose vitin e kaluar, ajo pothuajse menjëherë e ndjeu se kjo ndikoi pozitivisht në karrierën e saj.
Njerëzit në rrjetet sociale filluan t’i referohen asaj edhe nga mbiemri, gjë që solli rritjen e llogarive të saj, dhe bëri që ato të merrnin më shumë klikime. Kjo ndikoi në biznesin e saj. Ajo thotë se ky ndryshim i krijoi gjithashtu një imazh “të butë” , të cilin ajo e kishte dashur gjithnjë.
“Biznesi që unë drejtoj ndihmon njerëzit të lidhen me rrënjët e tyre shpirtërore”, thotë ajo. Pas ndryshimit të emrit, njerëzit e njohën punën e saj si më autentike.
Për shekuj me radhë njerëzit kanë ndryshuar emrat nga frika e racizmit ose paragjykimit. Ekspertët thonë se media sociale luan rol qendror në ambiciet e karrierës së njerëzve, dhe pikërisht në këtë kohë pseudonimet po bëhen gjithnjë e më të zakonshme.
Nëse bëhet fjalë për ta bërë një përkatësi gjinore ose etnike të paqartë, kjo bëhet lehtësisht duke shtuar një emër të mesëm dhe krijon një person krejtësisht të ndryshëm. Në këtë mënyrë është më e lehtë të shmangësh problemet administrative të ndryshimit të emrit ligjërisht dhe thjesht krijon një pseudonim në internet.
Por të gjesh emrin e duhur është një procedurë e ndërlikuar. Shumë njerëz sugjerojnë emra të shkurtër ose ato që rrotullojnë gjuhën (Kim Kardashian ose Brad Pitt), ndërsa të tjerëve u pëlqejnë emrat neutralë. Në fund të fundit, qëllimi është krijimi i një identiteti që ju ndihmon të ecni përpara. (TIRANA TODAY)
