“Çështja Modric” ka shkaktuar një zemërim të madh tek Real Madrid dhe ka vendosur të ndjekë rrugët ligjore për të gjithë. Futbollisti kroat ishte mjaft i lidhur me një kalim tek Interi, por madrilenët i kanë vlerësuar si jokorrekte kontaktet mes klubit dhe lojtarit dhe kanë denoncuar në FIFA zikaltërit.
Por nuk mbaron me kaq, i njëjti fat do të jetë edhe për agjentët e Modric, pasi i akuzojnë se i kanë ofruar Modric Interin por edhe ndonjë klub tjetër europian. Vlado Lemic është agjenti që është shënjestruar nga Real Madrid, pasi ai është përgjegjësi kryesor për këto kontakte.
Sipas asaj që raporton “Cadena Ser” në Spanjë, veprimet e agjentëve të kroatit janë cilësuar si “punim pas shpinës së klubit” dhe për këtë ndaj tyre do të ndërmerren veprime ligjore. Ndërkohë që Perez ka tentuar rinovimin e kontratës me Luka Modric, por palët janë ende shumë larg dhe presidenti i Real i trembet ditëve të fundit të merkatos.
