Rasti i 13-vjeçares së përdhunuar, çdo ditë e më shumë po merr përmasa të reja, ndërsa ka tronditur mbarë opinionin publik. Mësohet se e ëma e vajzës, duke iu trembur opinionit, nuk e ka denoncuar ngjarjen për 10 ditë, derisa ka mbërritur i shoqi nga Italia. Bashkë me vajzën, më 29 janar kanë bërë denoncim në policinë e Kavajës.
Ngjarja në fjalë e ka zanafillën në tetor të 2018. Sipas dosjes së siguruar nga gazetarja Klodiana Lala, vajza jetonte me të ëmën, pasi i ati ishte emigrant në Itali. Ajo ka pasur lidhje dashurie me një nga djemtë e klasës së saj.
Në ditën e përvjetorit të lindjes së tij, djali i ka kërkuar vajzës që në vend të dhuratës, t’i jepte trupin e saj.
13-vjecarja fillimisht s’ka pranuar, por pas këmbënguljes së fortë të djalit, ata kanë shkuar në shtëpinë e gjyshes së tij. Aty kanë kryer marrëdhënie seksuale, gjatë të cilave janë filmuar nga njëri prej shokëve të djalit. Përgjatë nëntorit e dhjetorit vajza ka kryer marrëdhënie seksuale edhe me 7 djem të tjerë, shokë të të dashurit, të cilët e shantazhonin me videon nëpërmjet mesazheve në Instagram.
Në mes të janarit 2019, një nga mësueset është vënë në dijeni te skandalit dhe ka informuar nënën e vajzës. Për arsye që nuk shpjegohen, shkolla nuk ka bërë denoncim për rastin, dhe as nuk është kujdesur qe vajza të trajtohet.
