Debati për Teatrin Kombëtar duket se ka sjellë edhe një përçarje brenda radhëve të LSI-së. Është Ylli Manjani, i cili nuk ka reaguar aspak mirë, pas qëndrimit të presidentit Meta. Si rrallë herë, të dy palët kanë qëndrime të ndryshme në lidhje me këtë çështje tejet të nxehtë.
Meta organizoi edhe një takim me një përfaqësi të artistëve kohë më parë, dhe ka dëgjuar shqetësimet e sugjerimet e tyre për zgjidhjen e kësaj çështjeje të ndjeshme. Po kështu ai bëri thirrje për transparencë e dialog, teksa i drejtohet Qeverisë dhe Bashkisë së Tiranës, të dëgjojnë sugjerimet dhe shqetësimet e komunitetit të artistëve, e të dialogojnë në dobi të ruajtjes e promovimit të vlerave e trashëgimisë historike, kulturore e kombëtare.
Por ndryshe nga ai, Manjani ka ashpërsuar gjuhën, duke iu kundërvënë në distancë Metës. Ai e cilëson si absurde thirrjen për transparencë dhe bisedime me artistët, një apel i parashtruar më herët nga vetë presidenti Meta.
Manjani shkruan në Facebook se bisedimet “nuk pinë ujë”, pasi Qeveria e ka marrë tashmë vendimin.
