Grupimi më i madh i tifozëve bardheblu “Tirona Fanatics” ka vendosur të kthehet në stadium në mbështetje të Tiranës.
Por, duket se jo të gjithë tifozët e bardhebluve janë të këtij mendimi. Pas thyerjes së bojkotit nga “Tirona Fanatics”, një tjetër grupim ka dalë kundër këtij vendimi.
“West Boys 1986”, me anë të një deklarate, shprehet se arsyeja e bojkotit është shitja e dinjitetit te kundërshtarët historikë.
Më tej, ky grupim shton se mbështetja për klubin bardheblu dhe kthimi në stadium do të bëhej kur ekipi kishte më shumë nevojë dhe jo tani.
REAGIMI I PLOTË:
“West Boys” janë futur në këtë bojkot për një arsye dhe kjo ka qenë shitja e dinjitetit te kundërshtarët tanë historikë dhe këtë e di e gjithë Tirona! Ne në bojkot nuk u futëm vetëm, por të gjithë si ‘Çuna Tirone’! Ne si grupim e kemi thënë fjalën tonë një herë dhe nuk kemi surpriza interesante, as projekte dhe as shou teatral!
Po të ishte se do të ktheheshim në stadium, duhet ta bënim atëherë kur kishte nevojë ‘Tirona’ dhe jo tani si inferior nga çdo drejtim! Ëest Boys nuk do të bëhen pjesë e teatrit dhe nuk do bëhen pjesë e turpit historik. Prej lufte veç ai largohet, që është lindur tradhëtor”, thuhej në deklaratën e grupimit të tifozëve të Tiranës.
