Të fitosh sa hap e mbyll sytë një shumë të konsiderueshme parash, sigurisht që e pritshme është edhe të humbësh ndenjat. Një e moshuar në Itali ka patur një fat të tillë, pasi ajo nuk e besonte se mund të fitonte lotarinë.
Një pensioniste me banim në Grosseto të Italisë, humbi ndjenjat pasi fitoi 5 milionë euro me një biletë lotarie “Gratta e vinci” (Gërvisht dhe fito). Pasi kishte mësuar se kishte fituar, asaj i kanë rënë të fikët në dyqanin ku kishte blerë biletën.
Mediat italiane të cilët raportojnë këtë lajm, bëjnë me dije se pensionistja e ka marrë veten pas disa minutash, dhe është larguar shumë e lumtur.
“Bëhet fjalë për një kliente që dëshiron të mbetet anonime”, ka thënë titullari i kompanisë.
Po kështu, edhe shitësi i biletës ka përjetuar emocione të njëjta. “E përgëzuam pasi i dhamë ndihmën e parë. Atë biletë ia kam shitur me dorën time. Ishte një emocion i fortë edhe për mua”.
