Ministrja e re e Arsimit Besa Shahini, e ftuar në emisionin ‘Kjo javë’ me Nisida Tufën, ka folur ndër të tjera dhe për bojkotin e pedagogëve, të cilët priten të fillojnë të hënën në Fakultetin e Historisë- Filologjisë.
Sipas Shahinit, studentët kanë kërkuar që të shqyrtohet një ndër pikat që do të zbatojnë mbi pedagogët, duke bërë një kontroll nëse ka plagjiaturë në doktoraturat e tyre apo jo.
‘Në dhjetor studentët kërkuan se ne po na procedojnë pedagogë që kanë kryer plagjiaturë, dhe ne kemi vendosur të bëjmë një kontroll nëse ka ngjashmëri në doktoraturat e pedagogëve. Përmes një aparature, ne do të vendosim doktoraturën dhe do bëjmë ballafaqimin, ku do të kuptojmë se kush ka bërë plagjiaturë’, sqaroi Shahini.
