I fundit në rradhë nga kandidatët për kreun e Partisë Demokratike që votuan sot ishte Agron Shehaj. Në fjalën e tij pas hedhjes së votës në kuti Shehaj ashtu si dhe Basha, Harxhi dhe Kadilli foli shkurt për median e pranishme.
Agron Shehaj falënderoi mbështetësit dhe votuesit e tij ndërsa u bëri thirrje demokratëve që të votojnë me qetësi.
Sipas kandidatit Shehaj demokratët nuk zgjedhin sot vetëm dhe thjeshtë kryetarin e partisë por votojnë për zgjedhjet e ardhshme.
Agron Shehaj: “Falenderoj mbështetësit dhe vëzhguesit e mi në të gjithë Shqipërinë. I ftoj demokratët që të votojnë me qetësi. Nuk zgjedhin vetëm kryetarin e ri të PD, por vendosin fatin e zgjedhjeve të ardhshme. Standarti i ulët në këtë proces mund të kthehet në një bumerang për PD…Është akoma më e rëndësishme besueshmëria e PD.”
