Deputetët e Partisë Demokratike kanë sulmuar sot ish-ministrin e Financave në kohën e qeverisjes së PD, Ridvan Boden.
Gjatë seancës plenare, kreu i grupit parlamentar të PD Edmond Spaho, akuzoi ish-ministrin Ridvan Bode se nuk është përfaqësues i PD, por është vënë në shërbim të Edi Ramës.
Spaho tha se PD nuk do të pranojë që mazhoranca të zgjedhë në vendin e tyre, apo se cilët kandidatë do të emërohen në institucione të caktuara, ndërkohë që nuk ka pasur propozim nga pakica.
“Ju në mënyrë autoritaristë pa respektuar rregullat e rregullores e futet këtë në rendin e ditës dhe po votoni ata që doni ju edhe në emër të opozitës prandaj e kundërshtojmë. Ridvan Bode nuk është përfaqësues i Partisë Demokratike, por përfaqëson Edi Ramën”.
Kuvendi miratoi mbrëmjen e të enjtes kandidaturat e Ridvan Bodes, Suela Popës, Edlira Luçit, Artan Hoxhës dhe Luljeta Minxhozit.
