Partia Demokratike nuk është e kënaqur me largimin e ministrit të Brendshëm, Fatmir Xhafaj. Duket se opozita kërkon me patjetër largimin e kreut të Bashkisë së Durrësit, Vangjush Dako.
Është deputeti i PD-së, Gent Strazimiri, ai që tha se në një shtet normal, Dako do të ishte arrestuar. Strazimiri iu referua deklaratave dhe pohimit të Dakos se ka komunikuar me Avdylajt për t’i falënderuar për kontributin në zgjedhje.
Fjala e Strazimirit:
Dako ka qindra faqe përgjime me bandat e Durrësit, ku bën pazare për vota, tendera etj. Në fund i falënderon për kontributin. Përgjimet e bëra publike nuk janë as 1% e provave. Dako ka komunikuar me bandën e Avdylajve, duke kërkuar takim me kreun e bandës për ta falënderuar. Dako ka komunikuar me familjet mafioze me vetëdije të plotë. Ai pranoi se për shkak të bashkëpunimeve me ta, ka arritur rezultate të larta në zgjedhje.
Ai duhej të ishte arrestuar live në studio. Kamikazët e Ramës nuk thonë se kush e pengoi të enjten arrestimin e xhuxhit.
Ai duhej të ishte në burg si Ndoka dhe Çuko.
