Deri më 22 maj do pritet paraqitja e kandidaturave për kreun e ri të PD-së, dhe më pas një fushatë në struktura deri më 11 qershor. Zgjedhja për kreun e ri të PD-së, përmes parimit “një anëtar një votë”, pritet të zhvillohet më 23 Qershor.
Këto kanë qenë propozimet e Sekretarit të Përgjithshëm të PD-së, Gazment Bardhi, gjatë mbledhjes së kryesisë, të cilat më pas pritet t’i kalojnë Këshillit Kombëtar për miratim.
Dy propozimet e Sekretarit të Përgjithshëm Gazment Bardhi për kryesinë dhe i paraqiten për diskutime dhe votim Këshillit kombëtar të PD-së.
- Të analizojmë punën e secilit në një mbledhje të veçantë në kryesi dhe më pas në çdo degë.
- I propozoj kryesisë fillimin e procesit zgjedhor për kryetar të PD-së. Secili prej anëtarëve të kryesisë që ka shpallur ambicien të ketë mundësinë ta shpjegojë vizionin tij në institucione, pa paragjykuar askënd, në një garë të drejtë e të barabartë, kur demokratet të gjykojmë lidershipin aktual dhe nga datat 16-22 maj të bëhet paraqitja e kërkesave për kandidatët që përmbushin kriteret.
24 Maj – 11 qershor fushatë në të gjitha strukturat.
13 qershor – zgjedhjet sipas parimit një anëtar, një votë.
