Ish-lideri i Katalonjës, Karles Puxhdemon, ka deklaruar gjatë ditë së sotme se ai dhe katër anëtarët e qeverisë së tij, tani për tani do të qendrojnë në shtetin e Belgjikës.
Kjo deklaratë e liderit të Katalonjës ka ardhur në një kohë kur Spanja ka tërhequr fletë arrestin ndërkombëtar të lëshuar ndaj tij dhe funksionarëve të tjerë të qeverisë së Puxhdemon. I pyetur se kur do të largohet nga Belgjika, ndërsa ai është përgjigjur se nuk di të thotë një kohë apo një datë të tillë.
“Tani për tani mbetemi këtu. Dëshira jonë, kur erdhëm këtu, ishte që sa më shpejt të kthehemi, megjithatë, nëse do të mund ta bëjmë këtë? Duhet ta dimë atë përgjigje para se të kthehemi në shtëpi”, tha Puxhdemon, ndërsa fjalën e mbajti në gjuhën franceze.
Puxhdemon dhe katër ish-pjesëtarë të qeverisë së drejtuar prej tij, vijojnë të qendrojnë në Belgjikë pasi rajoni spanjoll është shpërndarë, ndërsa ndaj tyre ishte lëshuar një fletë areresti ndërkombëtar, pasi akuzoheshin për kryengritje dhe keqpërdorim të mjeteve, në përpjekje për të shpallur pavarësinë dhe për t’u shkëputur nga varësia e Spanjës.
