Pas deklaratës së Rudina Hajdarit, e cila u shpreh publikisht se mund të lërë mandatin e deputetes pasi nuk e gjen veten brenda Partisë Demokratike, ish-deputeti i kësaj partie, Astrit Patozi shkruan se demokratët duhet të zgjedhin midis saj dhe Lulzim Bashës.
Gjithashtu, Patozi thekson se Deklarata e Rudina Hajdarit është një fitore tjetër e protestës së studentëve.
Për ata që e kanë pasur seriozisht dhe me gjithë shpirt, kur kanë bërtitur prej vitesh “Azem, Azem, ti je gjalllë”, ka ardhur dita që dëshira e tyre të plotësohet. Ja ku e kanë vajzën e tij, Rudinën, dhe le ta ndjekin, me të gjitha ato që ajo beson dhe thotë.
Ndërsa të tjerët, të cilët kanë bërë sikur për 20 vjet me radhë, aty kanë Lulin. Pa dyshim, që opsion është edhe ai.
Por mendoj se sot ka ardhur dita që secili në Partinë Demokratike të bëjë zgjedhjen e vet të sinqertë, pa u fshehur pas gishtit.
Dhe kjo është një fitore tjetër e protestës së studentëve.
