Këngëtarja e njohur Orinda Huta i është rikthyer një momenti të rëndësishëm në jetën e saj: daljen për herë të parë në skenën e Kënga Magjike, plot 16 vite më parë.
Huta, e cila tashmë është një ndër anëtarët e jurisë në edicionin e 20-të të Këngës Magjike, ka folur për emocionet e mëdha që e shoqëruan këngëtaren në atë ditë.
Madje,ajo ka treguar se ka pasur shumë thyerje zemre që pas asaj kënge, si dhe zbuloi sakrificën që bëri që të ndiqte pasionin për muzikën.
Postimi i Orindës:
“‘Tani e di’” ishte viti 2002 kur unë mora pjesë për herë të parë në ‘Kënga Magjike’. Atëherë isha vetëm 15 vjeç dhe nga momenti kur mu dha e drejta e pjesëmarrjes e deri te kjo këngë pata shumë thyerje zemre. Familja ime nuk kishte mundësi të investonte shumë në një pasion timin sepse gjithmonë me kishin rritur me idenë që muzika duhet të ishte thjesht një hobi. Megjithatë, kurrë nuk ma kishte marr mendja që do kisha një ndër këngët më të bukura të atij viti e cila dëgjohet ende sot.
Sot në ‘Kënga Magjike’ shumë të rinj prekin skenën e madhe e shumë prej tyre suksesin që ndoshta nuk e kishin menduar ndonjëherë. Emocionet bëjnë të veten, por bëni hapa të sigurtë dhe jini falenderues. Zoti gjithmonë zgjedh mënyrat e veta për të të forcuar e lumturuar dhe duhet të jemi krahëhapur ndaj bekimeve. Suksese të rinjve, por edhe këngëtarëve Big në këtë 20 – vjetor në të cilin kam kënaqësinë të jem edhe krah njerëzve brilantë Armend Rexhepagiqi, Manjola Nallbani, Arben Skenderi dhe Orgesa Zaimi”, shkruan Orinda bashkëngjitur videos që shfaqet teksa këndon te “Kënga Magjike” për herë të parë në vitin 2002.
