Një shqiptar i cili kishte hyrë në Britani me një pasaportë të falsifikuar Bullgare, është dënuar. Ai e kishte blerë pasaportën e falsifikuar bullgare për 700 euro.
Ben Cura, 55 vjeç, pranoi akuzat kundër tij, duke i thënë policisë se donte të punonte në Angli, ku lëvizja e personave me një pasaportë shqiptare ishte e kufizuar.
Inspektorja Lara Butters e akuzoi Cura-n për falsifikim ose ndryshim të pasaportës, duke e përdoruar atë për të hyrë ilegalisht në Britani, raporton .independent.com.mt
Butters i tha gjykatës se shqiptari përdori pasaportën bullgare për të udhëtuar nga Malta në Britani të Madhe, ku, pas arritjes, autoritetet zbuluan pasaportën e rreme dhe e kthyen atë në Maltë.
Cura, i cili u arrestua dje, kishte lëshuar një deklaratë në polici duke pranuar akuzat. Para gjykatësit Rachel Montebello, Cura u deklarua fajtor për akuzat.
Ndërkohë, Butters i kërkoi gjykatës që të hetonte më thellë për shqiptarin. Avokatja mbrojtëse e shqiptarit Yanika Bugeja, e caktuar nga shteti është shprehur se klienti i saj i ka pranuar akuzat dhe se ndaj tij nuk kanë pse të bëhen verifikime të mëtejshme. Gjykata i dha atij një dënim prej një viti burg./TIRANA TODAY/
